الحب الحقيقي ، أجمل ماقيل عن الحب لتعرف الحب الحقيقي بالدارجة المغربية

الحب الحقيقي ، أجمل ماقيل عن الحب لتعرف الحب الحقيقي بالدارجة المغربية

الحب أجمل و أعظم و أنبل و أسعد حاجة تقدر توقع لينا ف حياتنا ، و لكن قبل مانقولو لشي واحد راه كنحبوك ، واش عارفين أشنو هو الحب ، واش عارفين كيفاش كنحبو بصح.

 الحب ماشي كلمة تجي تقولها و صافي ، الحب ماشي هيا تشد ليا فيدي ، الحب ماشي هو بوكيه ديال الورد ، الحب ماشي الهدرة ف التليفونات و السهير ، ماشي هو جوج كلمات زوينين و صافي ، ماشي هو كنبغيك و توحشتك.

 الحب أكبر من هادشي بكثير ، الحب هو عمرني نفرط فيك و أنا ديما معاك ، الحب هو كتصيب الطرف لي معاك الهم الوحيد ديالو يفرحك واخا على حساب التعاسة ديالو بعض المرات ، الحب هو فاش الرسول عليه الصلاة و السلام نزل عليه الوحي و مشا كيجري عاند مراتو كضمو في الحضن ديالها و كطمأن فيه ، الحب أمان و طمأنينة.

 الحب هو فاش كتمشي تهدر معاه و نتا عارفو مغاديش يفهمك غالط ، الحب هو أنك كتعامل مع داك الشخص كأنكم روح وحدة ، الحب هو يفهمك غير من شوفة وحدة ، الحب هو فاش كتفرح كيفرح معاك ، كتحزن كيحزن معاك ، الحب هو أنك تصيبو بجنبك في عز المشاكل و الأزمات و عمرو يفرط فيك.

الحب هو أنك كتسامح من أول مرة كيعتاذر منك ، لي كيحب كيحافظ على علاقتك معاه ، كيلتمس ليك العذر واخا يكون غالط فحقك ، الحب أفعال ماشي أقوال ، ماكاين ماسهل من الكلام الزوين و الحلو.

 اللي ميكونش مستعد يضحي بحياتو و الدنيا ديالو هادا مكيحبش ، الشخص لكتستهلك الطاقة ديالك مكيبغيكش ، شخص لي كايدير غلط و هو عارف أنه كيقلقك حتا هو مكيبغيكش.

 لي كيحب مكيحقدش مكيكرهش ، لي كيحب مكينساش اللحظات و الاوقات و الذكريات الزوينة ليكانت بيناتكم ، لي كيحب مكينساش العشرة و كل حاجة كانت زوينة بيناتكم.

ولكن فاش كنحبو الاشخاص الغلط ، كنتألمو كنتقلقو كنكتائبو كنبكيو ، و باش تفادي هادشي قبل ما تحب ، حب شي واحد كيشبه الروح ديالك ، إختار الصح ، إختار الشخص لي يقدر يضحي  بالناس كاملين على قبلك.

غادي تقولو ليا فين كاين هاد الشخص ، كاين بحال هاد الناس و مازال ، متخفوش من الحب ، الحب حاجة زوينة و اللي عقدوكم ف الحب منهم لله ، الحب كينور طريقك و كيخليك إنسان طموح ، و لي كيبغيك غادي يبقا معاك ديما حتا تحقق الاحلام ديالك.

داكشي علاش لكيحب مكيخلقش أعذار واهية، باش تفارقو ، كيسمع لقلبو ماشي لبنادم ، كيبقا عاندو ديما امل ف الحياة ، لي كيحب و نتوما ف عز المشاكل و الخصام كيبقا عاندو أمل كيكون متفائل أنه غذا غادي يكون يوم جديد و حياة جديدة ، بإختصار لي كيحب كيصبر ، كيتنازل ، كيسامح ، كيثبت ، كيعتذر ، كيضحي ، لي كيحب كيتزوج.

موقع الأطلس2 موقع مختص في كل ما يتعلق بمنشرات مكتوبة قصير و ستاتيات في كل المواضيع و يعتبر موقع الأطلس2 الموقع الأول في العالم العربي ، بستاتيات و أقوال و معاني جميلة و بوستات رائعة ، زورنا كل يوم لتوصل بالجديد

موقع الأطلس2 يرخب بكم .
موقع الأطلس2 موقع يمتاز بستاتيات و أقوال عن الحياة بك جوانبها